Rematamos o mes de maio cunha visita cun gran valor cultural, artístico e histórico: A Fábrica de cerámica de O Castro.
Comezamos cunha visita ao espazo adicado á produción, na que Ramón nos acompañou para explicarnos, paso a paso e detalladamente, o proceso de creación das pezas.
Finalizamos coa visita ao Museo Carlos Maside, na que descrubrimos artistas e obras que despertaron a nosa curiosidade. Destacamos a Castelao, Urbano Lugrís e Luís Seoane entre outros moitos. Coñecemos o mobiliario do auditorio, así como as escaleiras e lámpada do edificio, deseñados todos eles por Isaac Díaz Pardo. 
